Քոբի Բրայանթը ֆուտբոլի մեծ երկրպագու է, Բարսելոնայի մեծ երկրպագու է: Լիոնել Մեսսին աշխարհում ամենաշատ գոլ խփող ֆուտբոլիստն է, բոլոր ժամանակների լավագույններից մեկը և նա խաղում է Բարսելոնայի համար: Գրում է «Էն Բի Սի սպորտս»-ը` անդրադառնալով «Թըրքիշ էյրլայնս»-ի նոր գովազդային հոլովակին, որի մեջ նկարահանվել են այս երկու մարզիկները. «Այս երկու համաշխարհային կերպարները լավ են նայվում թուրքական խելացի գովազդում», – Գրված «Էն Բի Սի»-ի հեռուստակայանի մարզական բաժնի կայքում:
Հիշեցնենք, որ Լոս Անջելեսի հայ համայնքը բողոքել էր, որ 2010թ. Քոբի Բրայանթը նկարահանվել էր նույն ընկերության գովազդում` նշելով, որ սխալ է նկարահանվել մի պետությանը պատկանող ընկերության գովազդում, որը խախտում է մարդու իրավունքները, այդ թվում` ժխտում է Հայոց Ցեղասպանությունը և սահմանափակում է խոսքի ազատությունը:
Արգենտինահայերը կարծես թե Մեսսիի դեմ դեռ չեն բողոքել:
Կարդացեք նաև
Պատրաստեց Հովհաննես ԻՇԽԱՆՅԱՆԸ
