Հասարակական կազմակերպությունները պահանջում են արդարադատության մատչելիության ապահովում: Այս մասին, այսօր «Նոյյան Տապան» լրատվական կենտրոնում կազմակերպված քննարկման ժամանակ, որին ներկա էին տարբեր հկ-ների ներկայացուցիչներ, ասաց իրավաբան Մերի Խաչատրյանը: «Պրակտիկայում ստացվել է, որ գործադիր իշխանության, կամ գործադիր կառավարման համակարգում ընդունված իրավական ակտերը դատական կարգով վիճարկելու հնարավորություն հկ-ներին տրված չէ, իսկ դրանք բազմաթիվ են, քանի որ այսօր քաղաքացիական հասարակությունը շատ ակտիվ է եւ գրեթե ամեն օր խնդիրներ են առաջանում, բարձրացնում համայնքի բնակիչների իրավունքների պաշտպանության հարցերը, քաղաքաշինության ոլորտին առնչվող, զուտ հանրային շահ ներկայացնող հարցեր»-, բարձրաձայնում է Խաչատրյանը, որի ձեւակերպմամբ՝ այս առումով հկ-ների դիրքորոշումը, պահանջը հետեւյալն է՝ հնարավորություն տրվի որպեսզի հկ-ները կարողանան պաշտպանել հանրային շահը եւ հանրային բնույթի իրավական ակտերը հնարավորություն ունենան վիճարկել դատարաններում:
«Կարծում եմ, որ պետք է հկ-ների մասին օրենքում փոփոխություններ, լրացումներ կատարվի, որպեսզի հասկանալի դառնա հկ-ների ներկայացուցչությունը, իր եւ իր անդամների, կամ իր եւ իր շահառուների շահերի պաշտպանությունը»,-ավելացրեց նա:
Եվա ՀԱԿՈԲՅԱՆ
