Վերջերս ձեզ շատ են քննադատում, որ դուք Բաղրամյան 26-ի պատվերներն եք կատարում: Այսօր ԱԺ-ում քառօրյա նիստերն ամփոփելիս լրագրողների այս հարցին «Ժառանգության» պատգամավոր Զարուհի Փոստանջյանը պատասխանեց. «Բաղրամյան 26-ը ես դիտարկում եմ որպես ՀՀ քաղաքացիների թշնամի: Ես կցանկանայի, որ Բաղրամյան 26-ը, ինչպես նաեւ Նալլբանդյան փողոցում տեղակայված Ազգային անվտանգության մեկուսարանը դառնային թանգարան: Այդ նախագահական ինստիտուտը համեմատում եմ հրեշի գլխի հետ»:
Հարցին՝ Գագիկ Ծառուկյանը կարո՞ղ է լինել ընդդիմության միասնական թեկնածու՝ նա պատասխանեց. «Գագիկ Ծառուկյանին ես այսօր էլ չեմ տարանջատում Սերժ Սարգսյանից: Ինձ համար նա կերպավորում է օլիգարխ հասկացողությունը: Բետոնաշաղախողի հոգեկերտվածքով օլիգարխները չեմ կարծում, որ կարող են որպես հավաքական թեկնածու հանդես գալ»: Լրագրողները հետաքրքրվեցին նաեւ՝ Րաֆֆի Հովհաննիսյանը մեկ անգամ իր թեկնածությունը մեկ այլ թեկնածուի օգտին հանել է, հնարավո՞ր է առաջիկա նախագահական ընտրություններում նման բան լինի. «Բացառում եմ, որ այս պահին կարող է որեւիցե մեկի օգտին իր թեկնածությունը հանի: Րաֆֆի Հովհաննիսյանը մեր հասարակության, Արեւմտյան Հայաստանի, Արեւելյան Հայաստանի հավաքական թեկնածու է, ընդդիմադիր է մեր բոլոր թեկնածուներին»:
Զարուհի Փոստանջյանը նաեւ նշեց, որ ինքը աշխարհի վերջին չի հավատում. «Ես հավատով լի մարդ եմ, որ կյանքը միանշանակ շարունակվելու է: Իսկ դա կնոջ համար նշանակում է հատկապես երեխաներ ունենան, թոռներ պարգեւեն մեզ: Հետեւաբար այդ կարծիքին համամիտ չեմ»:
Կարդացեք նաև
Հռիփսիմե ՋԵԲԵՋՅԱՆ
