Դեկտեմբերի երեքին Ռիգայում, Մոսկվայի տանը տեղի է ունեցել Մարշալ Բաղրամյանի 115-ամյակին նվիրված միջոցառում: Գրում է «Բալթիկ կուրս» պարբերականը:
Միջոցառումը կազմակերպել էին Լատվիայի հայ համայնքը` Ռիգայի հայկական Սուրբ Գրիգոր Լուսավորիչ եկեղեցու հոգևոր հայր Խոսրովի օրհնությամբ:
Միջոցառմանը բացման խոսք է ասել հանդիպման կազմակերպիչ, «Արարատ» թերթի խմբագիր Ալեքսանդր Գրիգորյանը: Այնուհետև խոսել է հայր Խոսրովը` շեշտելով, որ Բաղրամյանը ոչ միայն հայ ազգի, այլև ամբողջ սովետական ազգերի հերոսն է:
Միջոցառմանը ելույթ են ունեցել բարդ և հեղինակային երգերի կատարող Էդուարդ Վարդանովը, երգչուհի Անահիտ Իսախանովան, որի հայկական երգերը բոլորին հիշեցրին հեռավոր Հայաստանը, լեռները, հողը ու երկինքը:
Կարդացեք նաև
Մոսկվայի տան տնօրենի տեղակալ Արթուր Արթուրովիչը մի քանի դրվագ է պատմել Բաղրամյանի՝ Ռիգայի կյանքից: Մի դեպք, երբ աղախինը Բաղրամյանի համազգեստը, որով Բաղրամյանը պիտի հանդես գար ժողովրդի առաջ, հենց շքերթից առաջ պատահաբար արդուկով այրել էր: Աղախինը լացում էր, իսկ Բաղրամյանը հանգստացնում ու ասում էր, որ ձախ ձեռքով կփակի կրծքավանդկի մասում վառված մասը, իսկ աջով կողջունի ժողովրդին:
Պատրաստեց Հովհաննես ԻՇԽԱՆՅԱՆԸ
