Մի բան, որ երբեք մտքովս չէր անցնի Սինգապուրում, այն էր, որ կարող եմ այստեղ գտնել հայկական ժառանգություն: Գրում է «Թրեվըլ բլեքբորդ» պարբերականը:
Հրապարակման հեղինակը պատմում է, որ իր սինգապուրցի ընկերն ասել է, որ ինքը հպարտ կլինի ցույց տալու հայերի կողմից ունեցած ազդեցությունը Սինգապուրի վրա.
Կարդացեք նաև
«Մեր առաջին այցը Սուրբ Գրիգոր Լուսավորիչ եկեղեցին էր, որը կառուցվել է 1835թ., սա առաջին եկեղեցին է, որը կառուցվել է Սինգապուրում», – գրում է հեղինակը:
«Երբ ես բացեցի տեղի անգլերեն թերթը` «Սթրեյթ թայմս»-ը, պարզեցի, որ նրա համահիմնադիրներից մեկը հայ է, անունը Խաչիկ Մովսես (Մովսիսյան)», – շարունակում է նա:
Ակնարկի հեղինակը նաև հայտնաբերել է, որ Սինգապուրի «Ռաֆլս» հյուրանոցը հիմնադրել են Մարտին, Արշակ, Ավետ և Տիգրան հայ եղբայրները, ինչպես նաև Սինգապուրում գտել է «Արմենիա» անունով փողոց. «Կամ գեղեցիկ ազգային ծաղիկը` Վանդա Միս Ջոաքիմ»-ը, որ հայտնաբերել է Ագնես Ջոակիմը, որը հայկական ընտանիքից էր սերում»:
Պատրաստեց Հովհաննես Իշխանյանը
