Լույս է տեսել բուսաբույժ, բժշկական գիտությունների թեկնածու Աշոտ Աշոտյանի «Բժշկարան» գիրքը, որտեղ մատչելիորեն ներկայացված են բնակչության շրջանում հաճախ հանդիպող հիվանդությունների ընդհանուր նկարագիրը, դրանց բուժումը դեղաբույսերով: Գիրքը նախատեսված է բուսաբուժությամբ զբաղվող բժիշկների եւ ընթերցողների լայն շրջանակի համար: Հեղինակը գրքի շապիկին նաեւ զգուշացնում է՝ գիրքը ինքնաբուժման ձեռնարկ չէ, բուժում սկսելուց առաջ հարկ է խորհրդակցել բժշկի հետ: «Բժշկարանը» ինքնատիպ բնաբան ունի՝ վերցրած Ամիրդովլաթ Ամասիացուց. «Եղիր հետեւող իմաստության հետ./ Եթե չուսանիս, բժիշկ ես անգետ,/Լինիս դու գիտուն, արա բանիս պետ./ Գրոցս անունն է Անգիտաց անպետ»:
Աշոտ Աշոտյանը նշում է, որ դեղաբույսերի կիրառությունն ունի հազարամյակների պատմություն. «Ժողովրդական բժշկությունը գիտական բժշկության համար անսպառ աղբյուր է, որը ձգտում է կիրառել ժողովրդի դարավոր փորձը՝ վերցնելով նրանից արժեքավորն ու հեռանկարայինը…»: «Բժշկարանից» կարելի է տեղեկանալ շնչառական, սիրտանոթային, մարսողության, միզասեռական, նյարդային համակարգերի, անոթային, գինեկոլոգիական եւ այլ հիվանդությունների բուժման մասին:
Սեփ. լր.
«Առավոտ» օրաթերթ
ԻՆՉՊԵՍ ԿԱՐՈՂ ԵՄ ԳՏՆԵԼ ԱՇՈՏ ԱՇՈՏՅԱՆԻՆ, ԿՏՐԱՄԱԴՐԵՔ ԻՆՁ ՆՐԱ ՏՎՅԱԼՆԵՐԸ