Aravot.am-ն արդեն տեղեկացրել է, որ Ֆրանսիայի Սենատի հրավերով հայ խորհրդարանականները՝ Ֆրանսիա-Հայաստան բարեկամական խմբի անդամները եղել են Ֆրանսիայում եւ մի շարք հանդիպումներ ու քննարկումներ են ունեցել: Այսօր, «Պոստ սկրիպտում» մամուլի ակումբում, խմբի անդամ Մհեր Շահգելդյանը վերապատմեց այցի մանրամասները, իր տպավորությունները փոխանցեց հայկական եւ ադրբեջանական լոբբիստական կառույցների գործունեությունից:
Ավանդաբար, հայկական լոբբիստական կառույցները աշխարհում մշտապես համարվել են բավականին ուժեղ, անգամ հրեական եւ հունական լոբբիստների հետ են հավասարեցվել: սակայն, ըստ բանախոսի, աշխարհն այսօր փոխվել եւ փոխվում է: Ֆրանսիայի շատ բնակավայրերում, որոնք ժամանակին համարվում էին հայաբնակ, այսօր բնակչության գերակշռող մասը թուրքական արմատներով են: Ինչը, բնականաբար, իր ազդեցությունը թողնում է, մանավանդ, որ ակումբներ, որոնց միջոցով բավականին մեծ գումարներ են տրամադրվում հասարակական կառույցների գործունեության համար: Շահգելդյանի կարծիքով, լոբբիստական գործունեությունը, մեծ հաշվով, ՀՀ-ի խնդիրը չէ, բայց առաջացել է մի իրավիճակ, երբ դա արդեն ստրատեգիական խնդիր է ու պետք է համատեղ մտածել, ծրագրեր կազմել:
Վերջերս Հայաստանում տեղի ունեցած Հայերի համաշխարհային կոնգրեսի համագումարի ժամանակ, կոնգրեսի նախագահ Արա Աբրահամյանը նման հարց բարձրացրել է: Շահգելդյանի կարծիքով, ժամանակն է, այդ ուղղությամբ գործնական քայլերի անցնելու:
Կարդացեք նաև
Նելլի ԳՐԻԳՈՐՅԱՆ
