«Ժառանգության» նախաձեռնությանը՝ դիմել Սահմանադրական Դատարան, արտերկրում ապրող ՀՀ քաղաքացիների ընտրական իրավունքը վերականգնելու համար, ընդամենը 13 պատգամավոր են միացել։ «Ոչ ԲՀԿ-ն (բացառությամբ մեկի) և ոչ էլ Դաշնակցությունը չեն ստորագրել,- «Ֆեյսբուքի» իր էջում հայտնում է «Ժառանգություն» խմբակցության պատգամավոր Զարուհի Փոստանջյանը:- Պետք է ուրախությամբ նշենք, որ Էդմոն Մարուքյանը, որին վերջերս խմբում քննադատեցինք՝ ստորագրել է։ Պահանջվում է ևս 15 ստորագրություն ՍԴ դիմելու համար»:
ԲՀԿ-ից ստորագրել է միայն Լյովա Խաչատրյանը: Ստորագրել են «Ժառանգության» եւ ՀԱԿ պատգամավորները:
Ուշագրավ է, որ նախաձեռնությանը միացել են նաեւ Խաչատուր Քոքոբելյանը եւ Ալեքսանդր Արզումանյանը, որոնք թեեւ «Ժառանգություն» խմբակցության անդամ են՝ դե յուրե, բայց դե ֆակտո ներկայացնում են միայն «Ազատ դեմոկրատներ» կուսակցությանը:
