«Ազատ դեմոկրատներ» կուսակցության նախագահ Խաչատուր Քոքոբելյանն այսօր խորհրդարանում կառավարության հետ հարցուպատասխանի ժամանակ կրկին հնչեցրեց Հայաստանի օրակարգում վերջերս թիվ 1-ը դարձած հարցը՝ Եվրոպակա՞ն միություն, թե՞ Եվրասիական միություն: Քոքոբելյանը հետաքրքրվեց՝ ի վերջո, ո՞ր միությանն անդամակցությունն է կարեւորում Հայաստանի Հանրապետությունը:
Վարչապետ Տիգրան Սարգսյանը, ով վերջին շրջանում հասցրեց աչքի ընկնել հակաեվրասիական իր պահվածքով, նկատեց, որ Հայաստանն այդուհանդերձ ակտիվորեն աշխատելու է երկու տարբերակներում էլ, քանի որ կան բազմաթիվ հարցեր, որոնք քննարկելու համար որոշ պետություններ առաջադրում են ընդհանուր միության շրջանակներում աշխատել՝ հրաժարվելով երկկողմանի քննարկումներից:
Վարչապետը ընդգծեց, որ եվրասիական շրջանակներում Հայաստանի շփումները որեւէ կերպ չեն կարող սահմանափակել կամ ստվերել մեր երկրի եվրոպական նկրտումներին:
Կարդացեք նաև
Նելլի ԳՐԻԳՈՐՅԱՆ
