Թուրքիայի վարչապետ Ռեջեփ Թայիփ Էրդողանի կինը` Էմինե Էրդողանը, երեկ մասնակցում էր դաուն համախտանիշով հիվանդների համար կազմակերպված միջոցառմանը: Գրում է «Հյուրիեթ դեյլի նյուզ» թերթը` հղում անելով «Ռադիկալ»-ին:
Էմինե Էրդողանը լրագրողներին պատմել է, որ նա դաուն համախտանիշով հիվանդ ազգական ուներ. «Ես դաուն համախտանիշով հիվանդ մոտ ազգական ունեի, նրա անունն էր Հայրեթթին: Նա մեր ընտանիքի թալիսմանն էր: Մենք շատ էինք սիրում նրան: Վարչապետն էլ էր շատ սիրում նրան: Նա մահացավ մի քանի տարի առաջ», ասել է նա և ավելացրել,- «Ես կուզեի, որ բոլոր հաշմանդամները դաուն համախտանիշ ունենային: Քանի որ, եթե չեմ սխալվում, Ըստ իսլամի նրանք բոլորը ուղիղ դրախտ են գնալու մահվանից հետո: Հույս ունեմ մենք էլ կգնանք դրախտ նրանց սիրելու համար»:
Պատրաստեց Հովհաննես ԻՇԽԱՆՅԱՆԸ
Կարդացեք նաև
