Յոթ տարի առաջ Պարսից ծոցում հայ կանանց թրաֆիքինգի մասին Արա Մանուկյանի բացահայտումները բավական չէին: Կասկած չկա, որ այս երևույթը մինչև հիմա շարունակվում է: Գրում է «Արմենիան Ուիքլի» թերթը:
Հրապարակման հեղինակը գրում է, որ մի պատմություն է լսել` մեկը գնացել էր իր հայրենիք` հյուսիսային Իրան: Ճաշի ժամանակ նրան հպարտությամբ պատմել են, որ իրենք Հայաստանից հարսնացու ունեն, այն էլ մեկի փոխարեն երկուսը: Նրանք ասել են, որ ահագին գումար են վճարել կանանց ձեռք բերելու համար:
Հեղինակը, այս ամենում մեղադրելով ՀՀ կառավարությանը, գրում է. «Հայաստանի իշխանությունները պետք է գործեն ինչպես իշխանություններ և ոչ թե որպես գողերի, թալանչիների, գազազած քոչվորների մի խումբ»:
Վերջում նա առաջարկում է ճնշել կառավարությանը, որպեսզի պատասխանատվությամբ գործեն, կամ ձմռանը սպասվող նախագահական ընտրությունների ժամանակ նպաստենք, որպեսզի արմատական փոփոխություններ տեղի ունենան իշխանական համակարգում:
Կարդացեք նաև
Պատրաստեց Հովհաննես ԻՇԽԱՆՅԱՆԸ
