2009 թվականին Պուտին-Էրդողան հանդիպման ժամանակ հայտարարություն արվեց, որ ռուս-թուրքական ապրանքաշրջանառության ծավալները կազմում են մոտավորապես 23 մլրդ դոլար եւ պլանավորվում էր, որ մինչեւ 2015 թվականը այն պետք է դարձնել 100 մլրդ: «Նայելով 2009 թվից եկած դինամիկան, տեսնում ենք, որ կայուն դինամիկա է, բայց 100 միլիարդի հասնելու համար շատ հեռու է: Այսինքն, նույն կերպ այդ 20 միլիարդ դոլարը ծրագրված՝ ներդնելու ատոմակայանի կառուցման համար եւ դրա արդյունքը ստանալու հավանականությունը, որոշակի կասկածներ կարող է հարուցել, մանավանդ, որ այստեղ գործ ունենք պետական ձեռնարկության մասին: Իսկ պետական ձեռնարկությունը իր գործունեության ընթացքում ավելի շատ է կրում պետության քաղաքականության որոշման ազդեցությունը, իսկ տվյալ պահին՝ արտաքին քաղաքական որոշման կայացման մեջ մասնավոր ընկերությունը կարող է հանդես գալ ավելի շատ որպես լծակ, ճնշում գործադրող պետական իշխանության վրա, բայց այս պարագայում, պետական իշխանությունը, պետական տնտեսվարող ձեռնարկությանը կարող է ուղղորդել, եթե ինչ որ քաղաքական իրավիճակ ստեղծվի, ռազմավարական քաղաքական շահերին հակասի»,- խոսելով Ռուսաստանի կողմից Թուրքիային տրված 20 միլիարդ դոլարի մասին, այնտեղ ատոմակայան կառուցելու համար, ասաց միջազգային հարաբերությունների հարցերով փորձագետ Մենուա Սողոմոնյանը, որի ձեւակերպմամբ՝ գործընթացը առաջին հերթին պետք է դիտարկել երկկողմ տնտեսական փոխշահավետության տեսանկյունից:
Եվա ՀԱԿՈԲՅԱՆ
