«Թրանսփարենսի ինթերնեշնլ» միջազգային հակակոռուպցիոն կազմակերպության տվյալներով, այս տարի Հայաստանի կոռուպցիայի ընկալման համաթիվը 34-ն է: Այսօր կազմակերպության այս տարվա ուսումնասիրությունները ներկայացնելով՝ կազմակերպության գործադիր տնօրեն Վարուժան Հոկտանյանն ասաց, որ Հայաստանը 176 երկրների ցանկում կոռուպցիայի ընկալման համաթվով 105-րդ տեղում է: Ըստ նրա մեր երկրի ցուցանիշը բավականին ցածր է Վրաստանից, որը 51-րդ տեղում է եւ բարձր է Արդբեջանից, որը 139-րդ տեղում է:
Պարոն Հոկտանյանը դժվարացավ կոռուպցիայի ընկալման համաթվի այս եւ նախորդ տարիների համեմատությունը ներկայացնել՝ պատճառաբանելով, թե այս տարի փոխվել է դրա հաշվարկման մեթոդաբանությունը:
Նա չներկայացրեց նաեւ կոռուպցիայի ընկալման համաթիվն ըստ ոլորտների՝ բացատրելով, որ ուսումնասիրությունները նախատեսել են հաջորդ տարի:
Արփինե ՍԻՄՈՆՅԱՆ
