Մարտի 1-ի ժամանակավոր հանձնաժողովի ձեւավորման հարցում իշխանությունների փաստարկներին զիջելու Գագիկ Ջհանգիրյանի կեցվածքը, մեղմ ասած, անակնկալի է բերել Մարտի 1-ի զոհերի հարազատներին։ «Իհարկե, խիստ զայրացրեց մեզ, որ նա համաձայնվեց նրանց հետ»,- ասում է զոհերից Գոռ Քլոյանի մայրը Ազատուհի Քլոյանը։
Նրա մայրը չի սպասում, թե հանրապետականները երբեւէ կփորձեն մասնակցել մարտի 1-ի սպանությունների բացահայտմանը, պարզապես ընտրություններից առաջ փափուկ բարձ դրեցին զոհերի հարազատների գլխի տակ։
Հանրապետականներին ոչ մի վայրկյան չի հավատում նաեւ մարտի 1-ի զոհ Արմեն Ֆարմանյանի հայրը՝ իսկ ո՞վ էր մարդասպանը եւ ու՞մ իշխանության համար սպանեցին իր որդուն: «Թե խիղճ, Աստված ունեն էս իշխանությունը կամ մեր նախագահը, էն որ ասում ա՝ գոնե մեկ անգամ մարդ եղեք»,- ասում է Արմեն Ֆարմանյանի հայրը Վաչագան Ֆարմանյանը։։
Պարոն Ֆարմանյանը գիտի, թե ինչ է ուզում անել Հանրապետական իշխանությունը, նա Մարտի 1-ի նոր հանձնաժողով ստեղծելու հեռանկարով փորձում է խեղճացնել իրենից եւ ՕԵԿ-ից պոկված նախկին կոալիցիոն գործընկերոջը՝ Բարգավաճ Հայաստանին։
Կարդացեք նաև
Մանրամասները կարդացեք այստեղ:
