«Ժառանգություն» խորհրդարանական խմբակցության պատգամավոր Թեւան Պողոսյանը խորհրդարանական հայտարարությունների ժամին անդրադարձավ մայրաքաղաքի թիվ 1 ընտրատարածքում կիրակի օրը տեղի ունեցած լրացուցիչ խորհրդարանական ընտրություններին: Պարոն Պողոսյանը արձանագրեց, որ անցյալ կիրակի «մեր երազած Հայաստանից» մի փոքր էլ կորցրեցինք, ինչպես նաեւ, ըստ նրա՝ հանրությունն այդ օրը կորցրեց վերջին հույսը եւ հավատը ընտրական գործընթացների նկատմամբ:
Ըստ Թեւան Պողոսյանի, ՀՀ ԱԺ-ն էլ այդ օրը ի դեմս Ստեփան Սաֆարյանի կորցրեց պատգամավորի, ով եվրոպական ցանկացած ամբիոնից հողին կհավասարեցներ յուրաքանչյուր ստահակի, ով կհանդգներ խոսել եւ գործել ընդդեմ ՀՀ-ի:
«Ընդդիմությունը պասիվ էր, ընտրությունների վերահսկման միասնական շտաբ չկար, իշխանությունն իր գործն արեց»,- հայտարարեց պատգամավորը, հավելելով, որ ԱԺ լրացուցիչ ընտրություններով խորացավ հանրության անտարբերությունն ու անվստահությունը:
Կարդացեք նաև
Նելլի ԳՐԻԳՈՐՅԱՆ
