Եթե երկրում ինտերնետ ծառայություններ տրամադրող կազմակերպությունները, որոնք կպած են միջազգային ծառայություններին, 10-ից պակաս են, ապա այդ երկրում ինտերնետի կապը կտրելու ռիսկը մեծ է: Այդպիսի երկրներն աշխարհում 72-ն են, որոնց մեջ է մտնում նաև Հայաստանը:
Սիրիայում ինտերնետ կապն անջատելուց հետո «Renesys»-ը մի նյութ է հրապարակել, թե աշխարհի տարբեր երկներում ինտերնետն անջատելու վտանգն ինչպիսին է:
Ըստ նրանց, որքան քիչ է երկրում ինտերնետ տրամադրող ծառայությունների թիվը, այնքան վտանգը մեծ է այդ երկրում ինտերնետ կապը հեշտությամբ անջատելը: Այսպիսով ամենառիսկային գոտում գտնվում են այն երկրները, որտեղ մեկ կամ երկու ընկերություն մուտք ունի արտասհմանյան բազաներին: Այդպիսի երկրները 61-ն են և դրանց թվում է հենց Սիրիան:
Եթե երկրում կա 10-ից ավել, բայց 40-ից պակաս ընկերություն, որոնք կպած են միջազգային ծառայություններին, ապա ինտերնետն անջատելու վտանգը բավական ցածր է: Այս դեպքում ինտերնետը հնարավոր է անջատել միայն շաբաթներ անց: Այսպիսի երկրները 48-ն են, որոնցից է նաև Թուրքիան:
Կարդացեք նաև
Եթե երկրում 40-ից ավել ընկերություն կա, ապա այդ երկրներում ինտերնետ կապը շատ կայուն է ու անջատելը բավական բարդ է: Այս երկրներից են Ռուսաստանը, ԱՄՆ-ն, Կանադան, Ավստրալիան, եվրոպական երկրների մեծ մասը, մոտ 38 երկիր:
Հայաստանի հետ նույն դասում են նաև Վրաստանը, Ադրբեջանն ու Իրանը:
Պատրաստեց Հովհաննես ԻՇԽԱՆՅԱՆԸ
