«Մարտի մեկ» հասարակական կազմակերպությունը երեկ տարածել է հայտարարություն՝ իր բողոքն արտահայտելով ԵՊՀ երաշխավորությամբ Հայոց պատմության դասագրքի լույսընծայման դեմ, որում ներառվել է նաեւ 2008թ. մարտիմեկյան դեմքերի մանրամասները. «Կատարելով իշխանությունների պատվերը եւ հաճոյանալով գործող վարչախմբին՝ ԵՊՀ պատմաբանները դեպքերը ներկայացրել են միակողմանի եւ աղավաղված։ Առանց որեւէ փաստարկված ապացույցի՝ գրքում անհիմն մեղադրանք է ներկայացված խաղաղ ցուցարարներին, նրանց ներկայացնելով որպես ջարդարարներ եւ թալանչիներ։ Չբավարարվելով այսքանով՝ ԵՊՀ պատմության ֆակուլտետի դեկան Էդիկ Մինասյանը եւ մյուս հեղինակները մեղադրել են նաեւ Մարտի 1-ի անմեղ զոհերին, գրելով, որ երկուստեք հրաձգություն է տեղի ունեցել, որի ընթացքում զոհվել է տասը հոգի»։ Հայտարարության հեղինակները պահանջել են բուհերից ետ կանչել նշված դասագիրքը եւ հրապարակավ ներողություն խնդրել Մարտի 1-ի զոհերի անունը արատավորելու փորձ կատարելու համար։
«Հայկական ժամանակ»
