Քրեական գործերով վերաքննիչ դատարանի դատավոր Ս.Խաչատրյանի նախագահությամբ այսօր արդարադատության նախարարության «Նուբարաշեն» քրեակատարողական հիմնարկում արտագնա նիստի ժամանակ լսվեց ցմահ ազատազրկման դատապարտված Մհեր Ենոքյանի եւ նրա պաշտպան, ՀՀ փաստաբանների պալատի անդամ Վահագն Մանուկյանի վերաքննիչ բողոքը:
Դատական նիստին մասնակցել է նաեւ ցմահ ազատազրկվածը:
Aravot.am-ի հետ զրույցում Մ.Ենոքյանի պաշտպանն ասաց, որ նիստը տեւել է 2,5 ժամ, ապա դատավորը որոշել է մերժել բողոքը: Պաշտպանն ասաց, որ իրենք պահանջել էին որպեսզի նոր երեւան եկած հանգամանքներով դատական վարույթ հարուցվի 1996թ. տեղի ունեցած Իոսիֆ Աղաջանովի սպանության գործով:
Այսօր Մհեր Ենոքյանը հայտնել է, որ սպանությունը տեղի է ունեցել կրոնական հողի վրա եւ այդ մասին ինքը տեղեկացրել է ինչպես Ամենայն հայոց կաթողիկոսին, այնպես էլ Մարդու իրավունքների առաջին պաշտպան Լարիսա Ալավերդյանին:
Կարդացեք նաև
Ենոքյանը պահանջել էր նաեւ, որպես գնահատվեն ոստիկանների գործողությունները, որոնք կեղծ ապացույցներ են դրել իր գործում, ինչպես նաեւ վերանայվի մեղայականով Նոր Նորքի բաժին գնալու փաստը:
Պաշտպանն ասաց, որ դիմելու են ՀՀ վճռաբեկ դատարան:
