Իտալիայի Նեապոլ քաղաքի «Gambrinus» սրճարանի մատուցող Ջովանի Ֆումոն ռեկորդ է սահմանել` հաճախորդին մատուցելով սուրճի 12 միլիոներորդ գավաթը: Սուրճի այդքան մեծ քանակը Ֆումոն մատուցել է աշխատանքի 60 տարվա ընթացքում, իսկ ամենահիշարժան այցելուն, ում նա երբևէ սպասարկել է, եղել դերասանուհի Կլաուդիա Կարդինալեն:
Աշխարհի ամենամեծ մարդակերտ օլիմպիական ապրանքանշանը կերտվել է 2100 բրիտանացիների կողմից: Օլիմպիական հայտնի դեղին, սև, կարմիր, կանաչ և կապույտ օղակները կազմել են բրիտանացի դպրոցականներ և ուսուցիչներ՝ Հեմփշիրի Գոսփորթ քաղաքի Բեյ Հաուս դպրոցից:
Լիբանանի մայրաքաղաք Բեյրութում է գտնվում աշխարհում ամենամեծ գավաթը: Նրա բարձրությունը 2,4 մետր է, իսկ լայնությունը` 1,65 մետր:
Դերասան Ջերարդ Բաթլերը «Տիկին Բրաուն» ֆիլմի նկարահանումների ժամանակ փրկել է գետում խեղդվող երեխայի, որի համար էլ ստացել է «Խիզախության» շքանշան:
Անդրանիկ Ջալալյան
