Այսօր Ավան և Նոր Նորք վարչական շրջանների ընդհանուր իրավասության դատարանում «Վահե Ավետյան» նախաձեռնող խմբի անդամ Գարեգին Չուքասզյանն ընդդեմ նախկին պատգամավոր, ՀՖՖ նախագահ Ռուբեն Հայրապետյանի հայցադիմումի գործով նախնական դատական նիստն է տեղի ունեցել:
Հայցվորի պաշտպան Մհեր Արշակյանը դատարանին միջնորդեց գործով որպես վկա ներգրավվել ֆրանսիական «Նուվել դ՛Արմենի» ամսագրի թղթակից Սեդա Մավյանին: Հիշեցնենք, այս ամսագրին տված հարցազրույցում էր Ռ. Հայրապետյանը, ըստ հայցվոր կողմի, վիրավորել իր պատիվը, արժանապատվությունն ու գործարար համբավը:
Ռ. Հայրապետյանի պաշտպան Կարեն Պետրոսյանն էլ դատարանին միջնորդեց հետաձգել հայցվոր կողմի պաշտպանի միջնորդության քննարկումը եւ հայցվորի իրավապաշտպան Մհեր Արշակյանի լիազորությունները չճանաչելու վերաբերյալ միջնորդություն ներկայացրեց՝ հիմնավորելով, որ ներկայացուցիչը պատշաճ ձեւակերպված լիազորություն չունի: Ըստ նրա պարբերական բնույթի նման ծառայություններ կարող են մատուցել միայն փաստաբանները, իսկ Մ. Արշակյանը փաստաբան չէ:
Կարդացեք նաև
Դատարանը բավարարեց պատասխանող կողմի միջնորդությունը ու նախնական նիստը նշանակեց դեկտեմբերի 19-ին:
Արփինե ՍԻՄՈՆՅԱՆ
