Միայն Հայաստանում չէ, որ գերեզմանատներից կից ապրում եւ գերեզմանների շնորհիվ՝ իրենց ապրուստն են վաստակում բազմաթիվ մարդիկ: Սրա ապացույցն է բլոգեր zyalt-ի ֆոտոռեպորտաժը Մանիլայի հնագույն գերեզմանատներից մեկից: Դրա տարածքում մեռյալներից բացի, ապաստան են գտել տասնյակ հազարավոր կենդանի ֆիլիպինցիներ: Իսկական անդրշիրիմյան քաղաք է:
Այս գերեզմանոցում շատ հարգի են եգիպտական թեմաները:
Ահա այս գերեզմանոցում նաեւ լվացք են չորացնում:
Մարդիկ նստում են գերեզմանների վրա:
Նրանք խնամում են գերեզմանները եւ դրա համար գումար են ստանում ննջեցյալների հարազատներից: Եվ գումարը ստանալու համար՝ նստում կամ պառկում են գերեզմաններին ու սպասում հանգուցյալների մերձավորներին:
Կարդացեք նաև
Ոմանք ստիպված են լինում սպասել ամիսներով, ուստի իրենց շրջապատում են կենսապահովման անհրաժեշտ պարագաներով:
Եթե հարազատները չեն ցանկանում վճարել կամ դադարում են այցելել գերեզմանին՝ այն արագորեն բռնազավթվում է տեղի բնակիչների կողմից: Չե՞ս ուզում վճարել: Շատ լավ՝ ուրեմն, այն կդառնա խանութ կամ ավտոտնակ:
Եվ գերեզմանատունը վերածվում է քաղաքի: Այստեղ կան փողոցներ, տաքսիներ, ապրում են հարյուրավոր մարդիկ: Գերեզմանատունը սկսել են բնակեցնել 70 տարի առաջ: Այդ տարիներին գերեզմանատան հսկիչները որոշել են բնակվել իրենց «աշխատատեղին» ավելի մոտիկ, քանի որ այդ ժամանակ քաղաքում նորմալ բնակտարածք չկար: Ժամանակի ընթացքում նրանցից հետո այստեղ սկսեցին բնակվել նաեւ աղքատները, որոնք նույնպես չէին կարող այլ կերպ լուծել բնակարանի խնդիրը:
Այստեղ խաղում են երեխաներ, գնում դպրոց: Երեխաները փող են աշխատում՝ 50 պեսոյով տեղափոխելով դագաղները:
