Եվրամիությունը պատմական հնարավորություն ունի իր հարևան երկրների սառեցված հակամարտությունները կարգավորելու համար: Գրում է Եվրախորհրդարանի պատգամավոր Քրիստինա Օյուլանդը «Նյու Եուրոփ» թերթում:
Հեղինակը գրում է, որ լինելով էստոնացի` նա պատկերացնում է, թե ինչ բարդ է ավտորիտար երկրի մի մասը լինելուց հետո անցում կատարել եվրոպական անկախ պետության. «Մենք բախտավոր էինք, որ դրսից օգնություն էինք ստանում»:
Ըստ հեղինակի, այժմ նույն իրավիճակում է Հարավային Կովկասը: Այսպիսով, նա կարծում է, որ շատ բան կարելի է անել Հայաստանի և Ադրբեջանի միջև հակամարտությունը կարգավորելու համար. «Իմ առաջարկն է` ոչ թե կողմերից որևէ մեկին պաշտպանել, այլ գալվանացնել ԵՄ-ին, որ փորձի ավելին անել հակամարտությունը կարգավորելու համար»:
Կարդացեք նաև
Նա գրում է, որ եթե շարունակեն ոչ մի բան չանել, նա լայնածավալ պատերազմի իրական վտանգ է տեսնում, և որ ոչ մի բանն, ըստ էության, այն է, ինչ նրանք և միջազգային կառույցներն անում էին վերջին 20 տարիներին:
Նա նաև գրում է, որ ԵԱՀԿ Մինսկի խումբը 20 տարի է աշխատում է հակամարտությունը կարգավորելու ուղղությամբ և այդ ընթացքում ոչ մի արդյունքի չի հասել. «Մենք պետք է ինչ-որ կտրուկ բան նախաձեռնենք, և իմ խորհուրդն է, որ ԵՄ-ին փոխարինի Ֆրանսիան որպես երեք համանախագահող երկրներից մեկը, որպեսզի նոր ազդեցություն և աշխուժություն մտցնի գործընթացում»:
Վերջում նա հիշեցնում է, որ Հարավային Իռլանդիայի խնդիրը դրսի աջակցությամբ կարգավորվեց. «Այժմ մենք ունենք նման հնարավորություններ և առաքելություն նույնն անելու Հարավային Կովկասում»:
Պատրաստեց Հովհաննես ԻՇԽԱՆՅԱՆԸ
