Տավուշի մարզի առաջին ատյանի դատարանը (դատավոր՝ Սամվել Մարդանյան) նոյեմբերի 28-ին դռնբաց դատական նիստում ՀՀ քրեական օրենսգրքի 141 հոդվածով (18 տարին լրացած անձի կողմից սեռական հարաբերությունը կամ սեքսուալ բնույթի այլ գործողություններ կատարելը ակնհայտ 16 տարին չլրացած անձի հետ, որը պատժվում է ուղղիչ աշխատանքներով՝ առավելագույնը երկու տարի ժամկետով, կամ ազատազրկմամբ՝ առավելագույնը՝ երկու տարի ժամկետով) Բերդ քաղաքի 20-ամյա բնակիչ Ռոման Զաքարյանին դատապարտել է 6 ամսվա ազատազրկման:
Ռ. Զաքարյանը 2012թ. հոկտեմբերի սկզբներին ընկերություն անելու նպատակով ծանոթացել է Բերդի 14-ամյա բնակչուհի Գ. Հ.-ի հետ: Հոկտեմբերի 11-ին, երեկոյան ժամը 20-ի սահմանններում միմյանց հանդիպելով՝ նրանք գնացել են Բերդ քաղաքի թիվ 2 մսուր-մանկապարտեզի մոտ, որի մուտքը, նորոգման աշխատանքների պատճառով, բաց է եղել:
Ռ. Զաքարյանը իմանալով հանդերձ, որ աղջիկն անչափահաս է՝ 14 տարեկան, վերջինիս համաձայնությամբ, առաջին հարկի նստարանների վրա սեռական հարաբերություն է ունեցել:
Կարդացեք նաև
Մինչ դատաքննության սկսվելը, Ռ. Զաքարյանը խորհրդակցելով իր պաշտպանի հետ՝ հայտարարել է, որ համաձայն է առաջադրված մեղադրանքի հետ եւ դատարանին միջնորդել է անցկացնել արագացված դատաքննություն:
Նշենք,որ Ռ. Զաքարյանը ունի միջնակարգ կրթություն, նախկինում դատված չէ, ամուսնացած չէ:
Ոսկան ՍԱՐԳՍՅԱՆ
