«Դա իմ կյանքի այն քիչ պահերից էր, երբ ես ի վիճակի չէի խոսել», – «Լոս Անջելես» հանդեսը մեջբերում է կենսաբանության պրոֆեսոր Սարգիս Մազմանյանի խոսքերը, որը նախորդ ամիս իմացավ, որ շահել է «ՄաքԱրթուր» հեղինակավոր դրամաշնորհը, որը կազմում է 500 000 դոլար: Դրամական պարգևը տրվում է «ինտելեկտուալ, սոցիալական և արվեստի ոլորտներում» ջանքեր գործադրած գործիչներին: Հաղթողները չեն էլ իմանում, որ իրենք պարգևը ստացողների հավակնորդների շարքում են, մինչ նրանց չեն զանգում ու ասում, որ նրանք հաղթել են:
Արդեն տասնամյակներ է, ինչ Քալտեկ համալսարանի պրոֆեսոր Մազմանյանը իր հմտություններն ու բազմակողմանիությունը ցույց է տալիս մանրէների ուսումնասիրության ոլորտում: Մեր մարմինն ունի ավելի քան 100 տրիլիոն բակտերային բջիջներ, ու մինչ միկրոբիոլոգիայի մասնագետների մեծ մասը ուսումնասիրում է «վատ տղաներին», որոնք ինֆեկցիայի պատճառ են դառնում, Մազմանյանն ընտրել է հետազոտել հավանականությունը, թե կան արդյոք օգտակար մանրէներ, որոնք պաշտպանում են մեզ հիվանդություններից:
Հանդեսը գրում է` Մազմանյանը, որն ազգությամբ հայ է, նաև ակտիվ ներգրավված է միջազգային ծրագրերում և հաճախակի է գալիս Հայաստան դասընթացներ անցկացնելու համար:
«Մարդիկ ուզում են դառնալ ռոք աստղ կամ մարզիկ կամ այլ բան», – ասում է նա,- «Շատ քչերն են ասում` ես ուզում եմ դառնալ միկրոբիոլոգիայի մասնագետ: Հույս ունեմ այստեղ է, որ այս մրցանակը կօգնի մարդկանց հասկանալու, որ գիտնականները լավ գործ են անում»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
