Հանրապետության հրապարակում ՌԴ քաղաքացի Մամիկոն Գրիգորյանին դժվար թե ուշադրություն դարձնեինք, եթե չտեսնեինք, թե ինչ է գրված մեքենայի վրա: Պարզվեց քաղաքացին իր մեքենան պատրաստվում է նվիրել հայրենի մաքսայինին:
Նա մեր հետ զրույցի ժամանակ ասաց, որ Ռուսաստանի Տագանրոգ քաղաքից ՀՀ մաքսային տարածք է ներմուծել 1994թ.արտադրության «Գազ 31029» մակնիշի ավտոմեքենա: Պետական եկամուտների կոմիտեն պահանջում է «ավտոմեքենայի համար կատարված տեղափոխման ծախսերի» մասին տեղեկատվություն:
Այդ իսկ պատճառով մեքենան մինչ օրս չի ձեւակերպվում:
Քաղաքացին դիմել է ՀՀ նախագահին:
Կարդացեք նաև
ՀՀ նախագահին հասցեագրված նամակին պատասխանել է ՊԵԿ առաջին տեղակալը, հայտնելով, որ երկքաղաքացիների համար ՀՀ օրենսդրությամբ մաքսային վճարների գծով արտոնություններ սահմանված չեն:
Արտոնությունները վերաբերում են ՀՀ-ում մշտական բնակություն ունեցող ֆիզիկական անձանց:
Նրանք նաեւ Մամիկոն Գրիգորյանին տեղեկացնում են, որ նա չի կարող համարվել ՀՀ մշտական բնակության ժամանող անձ:
Հետեւաբար, պահանջվող գումարի մասով /ներմուծման/ արտոնություններից չի կարող օգտվել:
Մ.Գրիգորյանին ՊԵԿ-ը տուգանել է 100 000 ՀՀ դրամով:
Այն չի մուծված, եւ քաղաքացին բողոքում է հենց դրա համար:
Ռուզան ՄԻՆԱՍՅԱՆ
