Հայ ազգային կոնգրես խորհրդարանական խմբակցությունը ստորագրահավաք է նախաձեռնել Սահմանադրական դատարան դիմելու համար: Ինչպես այսօր հրավիրված ասուլիսում հայտնեց ՀԱԿ խմբակցության ղեկավար Լեւոն Զուրաբյանը՝ ՀԱԿ-ը վիճարկում է ԱԺ կանոնակարգի օրենքի որոշ դրույթների անհամապատասխանությունը ՀՀ սահմանադրությանը: Մասնավորաբար, ՀՀ սահմանադրության 70 հոդվածը Ազգային ժողովի արտահերթ նիստ հրավիրելու համար սահմանում է նաեւ 44 պատգամավորների ստորագրություններով հիմքը, իսկ Սահմանադրության 71 հոդվածը ամրագրում է, որ արտահերթ նիստի որոշումները կարող են ընդունվել նիստին մասնակցող պատգամավորների մեծամասնությամբ: Մինչդեռ, ԱԺ կանոնակարգ օրենքը արտահերթ նիստ սկսելու համար քվորում է սահմանել:
ՀԱԿ –ում գտնում են, որ այս իմաստով ԱԺ կանոնակարգը չի համապատասխանում Հայաստանի գերակա օրենքին՝ Սահմանադրությանը:
ՍԴ դիմելու համար անհրաժեշտ է 27 պատգամավորի ստորագրություն: Առայժմ ստորագրել են ՀԱԿ պատգամավորներ Գագիկ Ջհանգիրյանը եւ Լեւոն Զուրաբյանը :
Նելլի ԳՐԻԳՈՐՅԱՆ
