«Վերջնական թվերը չգիտեմ, թե որտեղից ինչքան է հավաքվել, Հայաստանից ինչքան է հավաքվել: Հարցն ի՞նչ է, ակնկալությունն ի՞նչ է: Ես որեւէ արտառոց բան չեմ տեսնում: Ուղղակի մի քիչ տարօրինակ է թվում, որ այդ կուսակցությունը, այդ մարդիկ պիտի նման կարծիք հայտնեն, մանավանդ, որ գումարի առյուծի բաժինը սփյուռքն է նվիրաբերել: Հայաստանյան իշխող, Հայաստանի մեծահարուստներից երեւի ակնկալելի կլիներ, որ դրա կրկնապատիկը հավաքված լիներ, որովհետեւ հնարավորությունների առումով բոլորն էլ շատ մեծ հնարավորություններ ունեն, բայց արի ու տես, որ այդպիսի բան չկա: Բարեգործությունն այդ մարդկանց համար ավելի շատ քաղաքական նպատակ է հետապնդում, քան իսկական բարեգործություն»,- Aravot.am-ի խնդրանքով անդրադառնալով իշխող Հանրապետական կուսակցության պատգամավոր Համլետ Հարությունյանի՝ համահայկական դրամահավաքի առիթով Սփյուռքից արտահայտած դժգոհություններին, ասաց ՍԴՀԿ ԿՎ անդամ Համբիկ Սարաֆյանը:
«Առավոտ» օրաթերթ
