«Ժառանգություն» կուսակցության ղեկավար Րաֆֆի Հովհաննիսյանը հայտարարել է, թե նախագահական ընտրությունների ժամանակ մեկ միասնական թեկնածուի շուրջ հավաքվելը պարտություն է նշանակում, պետք է փոխարենը լինի հավաքական թեկնածու։
«ՉԻ» – Դե իհարկե, ի՞նչ միասնական թեկնածու, միայն հավաքակա՛ն։ Պետք է անհապաղ գտնել այնպիսի թեկնածու, ով կունենա Գագիկ Ծառուկյանի ֆինանսական կարողությունները, Լեւոն Տեր-Պետրոսյանի ինտելեկտը, Պարույր Հայրիկյանի հերոսական անցյալն ու ինքնագնահատականը, մարքսիստի միմիկան, Անուշ Սեդրակյանի «պրիչոսկան», Րաֆֆի Հովհաննիսյանի… այ, սա արդեն բարդ է։ Լավ, Րաֆֆի Հովհաննիսյանի զահլան… Չէ, վատ իմաստով չենք ասում։ Պարզապես ուրիշ ո՞վ զահլա կունենա ձեռքով բարեւել հարյուր հազարավոր մարդկանց ու բոլորին հերթով հարցնել՝ քաղաքացի, տե՞ր ես։
Եվ այնուամենայնիվ հավաքական թեկնածուի գաղափարը լավն է։ Միայն մի բարդություն կա՝ ով էլ դառնա հավաքական թեկնածու, փաստորեն նաեւ միասնական թեկնածու է դառնալու։ Իսկ Րաֆֆին պնդում է, որ միասնական թեկնածուն կպարտվի։ Թե չէ մնացած ամեն ինչը ճիշտ է:
«Չորրորդ ինքնիշխանություն»
