Այսօր «Տարածաշրջանային անվտանգության դինամիկան Հարավային Կովկասում» խորագրով ամենամյա միջազգային ֆորումի բացմանը մասնակցում էին տարածաշրջանային անվտանգության բնագավառի փորձագետներ ԱՄՆ-ից, Թուրքիայից, Իսրայելից, Հայաստանից, Մեծ Բրիտանիայից, Ռուսաստանի Դաշնությունից:
Ֆորումի ժամանակ ընթերցվեցին ՀՀ նախագահ Սերժ Սարգսյանի ու պաշտպանության նախարար Սեյրան Օհանյանի ուղերձները:
Օրակարգում՝ Ղարաբաղին եւ Հայաստանին առնչվող հարցեր էին:
Կարդացեք նաև
Ներկա էին նաեւ ՀՀ պաշտպանության նախարարի խորհրդական, քաղաքական գիտությունների դոկտոր, գեներալ-մայոր Հայկ Քոթանջյանը, ԼՂՀ արտգործնախարար Կարեն Միրզոյանը, որն անդրադառնալով տարածաշրջանային անվտանգությանը, իր խոսքում նշեց, որ այս ֆորումը նախ լավ առիթ է գաղափարների ու մտքերի փոխանակման համար, քանի որ Ադրբեջանը պարբերաբար ԼՂՀ-ի եւ Հայաստանի նկատմամբ անմիջական ռազմական սպառնալիքներ է հնչեցնում, ու նրանց կողմից վարվող հայատյաց քաղաքականությանը ցույց է տալիս, որ Ադրբեջանը շահագրգիռ չէ տարածաշրջանի կայունության հարցում:
Հավելենք նաեւ, որ ֆորումի կազմակերպիչներն են ՀՀ ՊՆ Դ.Կանայանի անվան ազգային ռազմավարական հետազոտությունների ինստիտուտը եւ Քաղաքական գիտության Հայաստանի ասոցիացիան:
Եվա ՀԱԿՈԲՅԱՆ
