Հայաստանում անշարժ գույքը շարունակում է էժանանալ։ Ըստ ՀՀ կադաստրի պետական կոմիտեի հրապարակած պաշտոնական տվյալների՝ այս տարվա հոկտեմբերին Երեւանի բազմաբնակարան շենքերում մեկ քմ-ի միջին գինը նվազել է 5.4 տոկոսով։
Եթե երեւանյան բնակարանների մեկ քմ-ի միջին գինն անցած տարվա հոկտեմբերին 681 դոլար էր, ապա այս տարվա հոկտեմբերին՝ 644 դոլար է կազմել։ Նվազել է նաեւ առանձնատների գները։ Դրանց մեկ քմ-ի գինն անցած տարվա հոկտեմբերին եղել է 727 դոլար, այս տարվա հոկտեմբերին արդեն 684 դոլար է (նվազումը՝ 6 տոկոս): Անցած տարվա համեմատ Հայաստանում կտրուկ՝ 18.7 տոկոսով նվազել է հիփոթեքային վարկով բնակարանների ձեռքբերումը։ 19 տոկոսով նվազել է նաեւ նոր բնակարանների «մուտքը» շուկա։
«Հայկական ժամանակ»
