Այսօր առավոտից էլեկտրոնային լրատվամիջոցները զանազան կանխատեսումներ էին անում երեկոյան կայանալիք ՀԱԿ-ի քաղխորհրդի նիստի վերաբերյալ, այն համատեքստում, որ ԲՀԿ-ի հետ համագործակցությանը դեմ եղող ուժերը պահանջելու են Լեւոն Տեր-Պետրոսյանից` անհապաղ հայտարարել նախագահական ընտրություններում առաջադրվելու մասին, այլապես իրենք հայտարարելու են, որ լքում են ՀԱԿ-ը: Լրատվամիջոցների սպասումները, սակայն, չարդարացան:
Ընդամենը կես ժամ տեւած ՀԱԿ-ի քաղխորհրդի նիստում ՀԱԿ խորհրդարանական խմբակցության ներկայացուցիչները քաղխորհրդի մյուս անդամներին ներկայացրել են մարտի 1-ի նոր հանձնաժողով ստեղծելու եւ ընտրական օրենսդրությունում փոփոխություններ կատարելու նախաձեռնությունների ընթացքի մասին:
Aravot.am-ի տեղեկություններով` ներքաղաքական իրավիճակի վերաբերյալ որեւէ անրադարձ քաղխորհրդի նիստում չի եղել:
Նելլի ԳՐԻԳՈՐՅԱՆ
Կարդացեք նաև
