Այսօր ԱԺ պետա-իրավական հարցերի մշտական հանձնաժոովում քննարկվեց ՀԱԿ-ի առաջարկը՝ Ընտրական օրենսգրքում փոփոխություններ կատարելու: Առաջարկներից մեկն այն էր, որ ընտրական հանձնաժողովներում կուսակցությունները չունենան ներկայացուցիչներ, ինչի հետ չհամաձայնեց «Ժառանգության» պատգամավոր Զարուհի Փոստանջյանը: Նա հիշեցրեց. «Ի դեպ, ասեմ, դուք բազմիցս դիմել եք «Ժառանգություն» կուսակցությանը, որպեսզի նա ձեզ տրամադրի հանձնաժողովի անդամների իր տեղերը, որպեսզի դուք ինքներդ վերահսկեք: Այս դեպքում ի՞նչ եք անելու, եթե կուսակցությունները չունենան իրենց ներկայացուցիչները»:
Գագիկ Ջհանգիրյանը փորձեց հարցը տեղափոխել հումորի դաշտ՝ պատասխանելով՝ «Էլ չենք դիմի «Ժառանգությանը»: Լեւոն Զուրաբյանը Զարուհի Փոստանջյանին ասաց, որ իրենք «Ժառանգությանը» դիմել են, քանի որ ներկա օրենսդրությունը նման հնարավորություն տալիս է: Դրան չհամաձայնեց տիկին Փոստանջյանը՝ նշելով, որ դրա կարիքն ունեցել եք, որ դիմել եք:
Ինչ վերաբերում է իրենց առաջարկին, Լեւոն Զուրաբյանն ասաց, որ դրա համար կա արդեն հստակ մեխանիզմ՝ վստահված անձանց մեխանիզմն է, որը պետք է ուղղակի ուժեղացնել:
Հռիփսիմե ՋԵԲԵՋՅԱՆ
Կարդացեք նաև
