Հեյդար Ալիևի արձանի հարցով Մեխիկոյում ստեղծված հանձնաժողովը խորհուրդ է տվել տեղափոխել արձանը, որը տեղադրվել է Մեքսիկայի մայրաքաղաքի գլխավոր զբոսայգում: Գրում է «Ֆայնենշըլ» թերթը:
Հանձնաժողովի անդամ Գաբրիել Գուերան նոյեմբերի 23-ին ասել է, որ հանձնաժողովը կոչ է անում բրոնզաձույլ արձանը Չափոլթեփեք այգուց տեղափոխել Ռեֆորմա պողոտա:
Ադրբեջանը մոտ 5 միլիոն դոլար է տվել Մեխիկոյին, որպեսզի վերանորոգեն այգին, որտեղ տեղադրվել է արձանը: Այգու այդ անկյունը անվանակոչել էին «Ադրբեջանա-մեքսիկական բարեկամության այգի»:
Կարդացեք նաև
Բաքուն զգուշացրել է, որ արձանի տեղափոխումը սպառնում է երկու երկրների միջև հարաբերությունների վատթարացմանը և նույնիսկ հնարավոր է համարում Ադրբեջանի դեսպանատան փակումը և ադրբեջանական ներդրումների կասեցումը Մեքսիկայում:
Արձանի շուրջ աղմուկը բարձրացել էր, երբ Մեխիկոյի բնակիչները բողոքել էին, որ Ալիևի պես ավտորիտար գործչի հուշարձանը վիրավորում է իրենց:
Պատրաստեց Հովհաննես ԻՇԽԱՆՅԱՆԸ
