Նոյեմբերի 25-ին Հայաստանի հանրապետական կուսակցության երիտասարդական կազմակերպության և Հայաստանի բժիշկ-ուսանողների ասոցիացիայի նախաձեռնությամբ ‹‹Ապրիր առողջ, ապրիր երջանիկ›› ծրագրի շրջանակներում բժիշկ-ուսանողները մեկնեցին Տավուշի և Գեղարքունիքի մարզեր։ Ծրագրի շրջանակներում երիտասարդ մասնագետներն այցելեցին Իջևանի ՍՕՍ մանկական գյուղ և Գավառի մանկատուն։ Անցկացվեցին ինտերակտիվ դասախոսություններ մանկատան սաների և դաստիարակների համար։
Նախքան դասախոսությունների մեկնարկը երեխաները բաժանվեցին 3 տարիքային խմբերի՝ 5-10, 11-15, 16-18։ Հանրամատչելի դասախոսությունների և դիդակտիկ նյութերի միջոցով երեխաները ծանոթացան մարդու օրգանիզմի առանձնահատկություններին, անձնական հիգիենայի կանոններին, մի շարք հիվանդություններ կանխարգելելու մեթոդներին։
Դաստիարակների համար ներկայացվեց «Երեխաների հոգեբանություն» թեմայով դասախոսությունը։ Վերջիններս ծանոթացան առաջին բուժօգնություն ցուցաբերելու կանոններին։ Գավառի մանկատան սաներին տրամադրվեց նաև սպասք և սպիտակեղեն։
Կարդացեք նաև
‹‹Ապրիր առողջ, ապրիր երջանիկ›› ծրագիրը հետագայում կշարունակվի նաև ՀՀ Սյունիքի մարզում և Արցախում։
ՀՀԿ երիտասարդական կազմակերպություն
