«Միկա ցեմենտ» գործարանի՝ աշխատանքից ազատված աշխատակիցները գործարանի տնօրեն Նաիրա Մարտիրոսյանից պահանջում են վերականգնել իրենց իրավունքները։
Նախկին աշխատողներից մեկի՝ Նաիրա Սմբատյանի խոսքերով նոյեմբերի 14-ին տնօրենն իրենց ստիպել է գնալ արձակուրդ մինչև մարտի 1-ը՝ խոստանալով աշխատանքից չազատել։
«Մենք տնօրենից պահանջեցին 4 ամսվա աշխատավարձը տալ, և դրանից հետո միայն կմտածենք՝ արձակուրդի համար դիմում գրել, թե ոչ»,- ասաց լաբարատորիայի նախկին ինժեները։
Նաիրա Սմբատյանը «Ա1+»-ին ասաց, որ մինչ այդ տնօրենը հավաքել էր գործարանի բոլոր արտադրամասերի պետերին և խոստացել, որ աշխատավարձերը չտալու կամ ինչ-որ մեկին աշխատանքից ազատելու դեպքում ինքն անձամբ դիմում կգիր եւ կհեռանա։
«Մենք հավատացինք տնօրենի խոսքերին և ամսի 15-ից արձակուրդ գնացինք՝ մեր հաշվին։ Նոյեմբերի 21-ին մեր ցեխի պետը՝ Արևիկ Ավետիսյանը, զանգահարեց մեզ և ասաց, որ տնօրենը մեզ հետին թվով ազատել է աշխատանքից, բայց բոլոր ցեխերի պետերին ասել է, որ այդ մասին չասեն ոչ ոքի, որպեսզի աշխատողները չբողոքեն»,- ասաց Նաիրա Սմբատյանը։
Նախկին աշխատողների խոսքերով՝ իրենց աշխատանքից ազատելով, տնօրենը խախտել է օրենքը, քանի որ իրենց հետ պայմանագիրը կնքված է եղել մինչև դեկտեմբերի 1-ը։
Մանրամասները կարդացեք այստեղ:
