ՀԱԿ մաս կազմող «Հայրենիք եւ Պատիվ» կուսակցությունը չի ողջունում, որ ՀԱԿ-ԲՀԿ միասնական թեկնածուն լինի ԲՀԿ նախագահ Գագիկ Ծառուկյանը:
Այս մասին NEWS.am-ի թղթակցի հետ զրույցում ասաց «Հայրենիք եւ պատիվ» կուսակցության նախագահ Գառնիկ Մարգարյանը: Նա ընդգծեց, որ եթե 2013-ի նախագահական ընտրություններում Լեւոն Տեր-Պետրոսյանը առաջադրի իր թեկնածությունը՝ «Հայրենիք եւ պատիվ» կուսակցությունը կմասնակցի, կօգնի ՀԱԿ-ին, իսկ եթե չառաջադրվի վերջիններս կկասեցնեն իրենց անդամակցությունը ՀԱԿ-ին:
Գառնիկ Մարգարյանը ասաց, որ իրենք մեկ շաբաթից իրենց վերջնական որոշումը կհրապարակեն: Հավելելով, որ ժամկետները կախված են Լեւոն Տեր-Պետրոսյանի լռությունից: «Եթե էլի ձգվեց՝ մենք մի երկու օր էլ կսպասենք: Ճիշտ է ժամանակը սուղ է, բայց ուրիշ ելք չունենք մեր մոտեցումը դա է»,- ավելացեց Գառնիկ Մարգարյանը:
