Հոգեբան Միհրդատ Մադաթյանի տվյալներով, նախօրեին Ավանում բնակելի շենքի 11-րդ հարկից իրեն ցած նետած 13-ամյա աղջիկը ինքնասպանություն է գործել սատանիստական գաղափարների հողի վրա: «Այսօր բնականոն ընթացքներից բացի, որոնք կարող են այս դժբախտ վիճակին բերել, նաեւ էմմոյական, սատանիստական գաղափարներն են, որ երիտասարդներին տանում են ինքնասպանության»,- այսօր ասուլիսի ժամանակ ասաց հոգեբանը:
Սոցիոլոգ Ահարոն Ադիբեկյանն էլ հավելեց, որ Հայաստանում ծնողները սովորություն չունեն երեխաների հետ ընկերություն անել, հետաքրքրվել նրանց խնդիրներով. «Երեխայի հետ ծնողը չի խոսում խնդիրների մասին, երեխան ինքնուրույն է մեծանում եւ չի կարողանում իր խնդիրները լուծել, երբեմն հենց դրա համար էլ դիմում են ինքնասպանության»:
Ըստ պարոն Ադիբեկյանի, ինքնասպանություն գործողների 80 տոկոսը դեպրեսիայի մեջ է եւ ինքնասպանություն գործելուց առաջ հստակ նշաններ է ցույց տալիս, որ այդ քայլին է դիմելու. «Ինքնասպանների էլի 80 տոկսոը նման փորձ արել է, բայց այն անհաջող է եղել»:
Սոցիոլոգի խոսքերով, կանայք ավելի հակված են կյանքին վերջ տալու, իսկ համասեռամոլների շրջանում ինքնասպանություն գործելու հավանականությունը 7 անգամ բարձր է: Ըստ նրա, ծնողից երեխային ինքնասպանության սիմդրոմը չի անցնում: Ինքնասպանություն գործածների 6 տոկոսի մոտ է, որ ծնողներից մեկը կյանքին վերջ է տվել:
Կարդացեք նաև
«Պաշտոնական տվյալները, թե անցյալ տարվա ընթացքում Հայաստանում մոտ 200 մարդ է ինքնասպան եղել, պետք է հարցականի տակ դնենք: Հասկանանք, որ եւս մոտ 400 դեպք բացահայտված չի եղել՝ արդյոք ինքնասպանություն էր: Մեր կրճատվող ազգբնակչության ֆոնին, ստացվում է՝ ամեն տարի մի փոքր գյուղ վերանում է»:
Ըստ պարոն Ադիբեկյանի, Հայաստանը ինքնասպանության դեպքերի ցուցանիշով նախկին խորհրդային երկրների շարքում նախավերջինն է:
Արփինե ՍԻՄՈՆՅԱՆ
