«Ժառանգություն» կուսակցության առաջնորդ, ՀՀ նախկին արտգործնախարար Րաֆֆի Հովհաննիսյանը նոյեմբերի 23-ին Ադրբեջանի մայրաքաղաքում ընթացող «Ասիայի քաղաքական կուսակցությունների գիտաժողովի» ժամանակ փորձել է խոչընդոտել հռչակագրի ընդունումը, որում աջակցություն է հայտնվում Ադրբեջանի, այսպես կոչված, «տարածքային ամբողջականությանը»:
Ինչպես հաղորդում են ադրբեջանական ԶԼՄ-ները, Հովհաննիսյանն առանց հրավերի մոտեցել է ամբիոնին և սկսել ելույթ ունենալ, ինչը հարուցել է ներկաների դժգոհությունը:
Իրականում, ինչպես ԱրմԻնֆո-ի թղթակցին հաղորդել է «Ժառանգության» մամուլի քարտուղար Հովսեփ Խուրշուդյանը, նիստի օրակարգով նախատեսված էր Հովհաննիսյանի ելույթը, սակայն վերջին պահին կազմակերպիչները զրկել են «Ժառանգության» ղեկավարին այդ հնարավորությունից, ինչն էլ զայրացրել է Հովհաննիսյանին:
