Արտաքին գործերի նախախարար Էդվարդ Նալբանդյանի հետ ավելի քան մեկ ժամ տեւած հանդիպումից հետո ԵԱՀԿ Մինսկի խմբի համանախագահները լրագրողներին շատ բան չունեին ասելու։
Ռուսաստանցի համանախագահ Իգոր Պոպովը համաձայն չէ թերահավատների այն տեսակետի հետ, թե ղարաբաղյան կարգավորման բանակցությունները մեռյալ կետից շարժելու հեռանկար չկա. «Պաշտոնապես նման հայտարարություն չի եղել, իսկ փորձագետները շատ բան կարող են ասել։ Ամեն ինչի չարժե հավատալ»։
Արտգործնախարարի հետ հանդիպումից հետո համանախագահներն այսօր նախագահական նստավայրում Սերժ Սարգսյանին կներկայացնեն բանակցությունների ընթացքը։ Այնուհետեւ նրանք նույն գործողությունները կկատարեն արդեն Ադրբեջանի մայրաքաղաքում։ Իսկ թե ինչ նորությունների կարող են սպասել հակամարտող երկրների հասարակությունները բանակցային գործընթացից, ռուսաստանցի դիվանագետը չգիտի. «Ես գուշակ չեմ, չգիտեմ՝ ինչ նորություններ կլինեն»։
Մանրամասն՝ կարդացեք այստեղ
