Այսօր «Հենարան» ակումբում ՀՀԿ պատգամավոր, ԱԺ արտաքին հարաբերությունների մշտական հանձնաժողովի նախագահ Արտակ Զաքարյանից լրագրողները հետաքրքրվեցին՝ եթե Գագիկ Ծառուկյանը առաջադրվի, ՀՀԿ-ի մարտավարությունը կփոխվի՞, թե՞ ցանկացած թեկնածու մրցակցելու է երկրորդ տեղի համար, այդ թվում եւ Ծառուկյանը, քանի որ, ինչպես հայտարարել եք, Սերժ Սարգսյանը չունի մրցակից: Նա պատասխանեց. «Մենք վստահ ենք, որ մեր թեկնածուն, ունենալով մեծ քաղաքական փորձ, բոլոր հիմնախնդիրների լուծման ակումնքներում լինելով եւ առաջնորդվելով ՀՀ ազգայինն եւ պետական շահերով, երկրորդ անգամ եւս արժանալու է ՀՀ քաղաքացիների բարձր վստահությանը»:
Անդրադառնալով ԲՀԿ-ին` նա ասաց, որ ցանկացած քաղաքական կուսակցություն ընտրություններից առաջ փորձում է իր դերը հստակեցնել: Կուսակցություններ կան, որոնք դաշինք են կազմում, կուսակցություններ կան, որոնք որոշում են ինքնուրույն իրենց դերակատարությունն ունենալ. «Ես կարծում եմ, որ ԲՀԿ-ն այդ փնտրտուքների, կողմնորոշումների մեջ է: Այն լուրերին, որ իրենք ունենալու են իրենց թեկնածուն, նորմալ եմ վերաբերվում, որովհետեւ կարծում եմ, որ դրանով ԲՀԿ-ն փորձելու է իր կուսակցության դերակատարությունները հաջորդ հինգ տարիներին ինչ-որ կերպ կարեւորել: Մեր թեկնածուի հաղթանակին ես ուղղակի չեմ կասկածում»:
Հռիփսիմե ՋԵԲԵՋՅԱՆ
Կարդացեք նաև
