ԵԱՀԿ Մինսկի խմբի համանախագահները այսօր Ստեփանակերտում էին։ «Առավոտ»-ի հարցին, թե ի՞նչ են քննարկել ԼՂՀ իշխանությունները համանախագահների հետ, ԼՂՀ նախագահահի մամլո խոսնակ Դավիթ Բաբայանը տեղեկացրեց, որ արցախյան կողմը առաջարկել է մի շարք քայլեր, որոնք կարող են նպաստել սահմանամերձ գոտում իրավիճակի կայունացմանը։
«Այդ քայլերը հետեւյալն են․ ԼՂՀ նախագահ Բակո Սահակյանն առաջարկել է, որ գոնե տարին մի քանի օր, խորհրդանշական օրերին, օրինակ կրոնական տոներին՝ Զատիկի, կամ Նովրուզ բայրամի օրը, կամ Մարտի 8-ին, կամ Երեխաների պաշտպանության միջազգային օրը, կրակոցներ չլինեն: Մենք կարծում ենք, որ սա փոքր, բայց շատ կարեւոր քայլ է, որը կարող է փրկել բազմաթիվ մարդկանց կյանք», -նշեց ԼՂՀ նախագահի մամլո խոսնակը։
Դ․ Բաբայանը հավելեց նաեւ, որ սա է եղել միակ նոր առաջարկը, այլ նոր առաջարկներ չեն քննարկվել ստեփանակերտյան հանդիպմանը։
Կարդացեք նաև
Էմմա ԳԱԲՐԻԵԼՅԱՆ
Մանրամասները կարող եք կարդալ վաղվա տպագիր «Առավոտ»-ում:
