ԱԺ էթիկայի հանձնաժողով դիմելու ՀՅԴ-ի առաջարկը այսօր ՀՀԿ պատգամավոր Հովհաննես Սահակյանը Aravot.am-ի հետ զրույցում անհիմն համարեց` ասելով. «Ես զարմանում եմ նման փորձառու մարդիկ ոնց են նման միտք հայտնում: Ես անհարգելի բացակայել եմ: Դրա համար տեղեկանք չեմ բերելու: Անհարգելի բացակայել եմ, որովհետեւ, ասենք, գնացել եմ այլ միջոցառման, գնացել եմ մեկի տուն: Եթե կեսից ավելի անհարգելի բացակայություն ունենամ, մանդատս վայր կդնեմ»:
Ինչ վերաբերում է Սահմանադրական դատարան դիմելուն` Հովհաննես Սահակյանը վստահեցրեց, որ իրենց քայլերի մեջ որեւէ հակասահմանադրական բան չի եղել, քանի որ թույլ են տվել, որ նիստը հրավիրեն. «Եթե դահլիճի դուռը փակեինք, չթողնեինք գային, եթե թուղթը գողանայինք, կամ չգիտեմ, նման բան անեինք` կլիներ հակասահմանադրական»:
Հռիփսիմե ՋԵԲԵՋՅԱՆ
