Մինչ Ահմեդ Գունեստեկինի պայծառ գույներով անատոլիական մշակութային բազմազանության սրահ մտնելը, ցուցահանդեսի այցելուները քայլում են Անատոլիայի զոհերի սգի միջով: Գրում է «Նյու Յորք թայմսը»:
Ցուցահանդեսի նախասրահում, խավարի մեջ ներկայացված է վիդեոինստալացիա, որը ցուցադրում է անցած դարում Թուրքիայում կատարված զանգվածային սպանությունների տասնյակ տարեթվեր` մեկը մյուսի հետևից, ամեն մեկը ուղեկցվում է պատմական գրություններով, զոհերի այդ ժամանակվա մշակույթի նկարագրությամբ և նրանց հառաչանքներով:
Երբ հայտնվում է 1909 և 1915թթ., լսվում է հայերի ձայնը, այնուհետև քրդերի, թուրքերի, հույների և ուրիշների հառաչանքները:
Կարդացեք նաև
«Մարդիկ մի քիչ շփոթվում են», – ասել է Գունեստեկինը անցած շաբաթ Ստամբուլում, – «Բայց ես ուզում են, որ այցելուները մինչ ցուցահանդեսին անցնելը հարգանքի տուրք տան այն մարդկանց, որոնք ազդեցություն են ունեցել իմ արվեստի վրա»:
«Սա Թուրքիայի իրականությունն է, շատ մեղքեր են գործվել այստեղ, – ասել է նա, – մենք պետք է հաշվի նստենք դրանց հետ»:
Ցուցահանդեսը բացվել է այս ամիս Ստամբուլի «Անտրեպո» ցուցասրահում: Այն կշարունակվի մինչև դեկտեմբերի 30-ը:
Ահմեդ Գունեստեկինն ազգությամբ քուրդ է, որին մեծացրել է 1915թ. որբացած հայ խորթ տատը:
Պատրաստեց Հովհաննես ԻՇԽԱՆՅԱՆԸ
