«Արտահերթ նիստ հրավիրողները պիտի հասկանային, որ մեծամասնությունն իրենց երաժշտության տակ չպետք է պարի», հայտարարել է ՀՀԿ խոսնակ Էդուարդ Շարմազանովը։
«ՉԻ» – ՀՀԿ խորհրդարանական խմբակցությունում, իհարկե, ոչ երաժշտական գործիքների (օրինակ՝ դհոլների) պակաս կա, ոչ երգիչ-երգչուհիների։ Բայց նրա պատկերացումները խորհրդարանի գործունեության մասին, համաձայնվեք, փոքր-ինչ տարօրինակ են։ Նրան թվում է, թե մասնակցելով ԱԺ նիստերին՝ ընդդիմությունը ՀՀԿ-ի երաժշտության տակ է պարում։ Ի դեպ, եթե հարցին այդ տեսանկյունից մոտենանք, ապա ՀՀԿ խմբակցությունը պարում է բացառապես կառավարության երաժշտության տակ (եթե, իհարկե, կարելի է երաժշտություն անվանել այն նվագախմբի բայաթին, որտեղ հիմնական զուռնաչին Տիգրան Սարգսյանն է): Մի խոսքով՝ Էդուարդ Շարմազանովն ընդամենը ցանկացել է ասել, որ խորհրդարանում իրենք են պատվիրում երաժշտությունը։ Բայց դա այնքան էլ այդպես չէ. նրանք երաժշտություն կարող են պատվիրել միայն ռեստորաններում, այն էլ՝ միայն «Կայֆուեմ» երգը։
«Չորրորդ ինքնիշխանություն»
