Իրական Աննա Ֆրանկը
Երբ Կայ Մուրադյանը մեծանում էր Բոսթոնում, նա ուշադրություն չէր դարձնում 1915թ. ցեղասպանության ժամանակ ընտանիքի անդամներին կորցրած մոր ողբերգական պատմություններին: Նա պարզապես ուզում էր մյուս ամերիկացի երեխաների նման լինել: Գրում է «Սաութ Փասադենա փեթչ» պարբերականը` անդրադառնալով Կայ Մուրադյանի «Մորս ձայնը» վավերագրական ֆիլմին:
Որպես հասուն մարդ, Հարավային Փասադենայի ռեժիսորը հավատացած է, որ մոր խոսքը փոխանցելն իր առաքելությունն է: Մուրադյանի «Մորս ձայնը» ֆիլմը դեկտեմբերի 1-ին Եգիպտական կինոթատրոնի էկրանին կբարձրանա:
Ֆիլմում Մուրադյանը ներկայացնում է Ֆլորա Մանուշյանի պատմությունը և նկարագրում 1900-ականներին Թուրքիայի հայերի հետ տեղի ունեցած դեպքերը: Մանուշյանը կորցրել է իր ընտանիքը 1915թ. ցեղասպանության ժամանակ: Նրա հետագա կյանքը, ըստ Մուրադյանի խոսքերի, հիշեցնում է «հայ Աննա Ֆրանկին» (Հոլոքոստի զոհերից, որը հայտնի է Հոլոքոստը նկարագրած իր օրագրով):
«Մորս ձայնը» ֆիլմը 2012թ. առաջադրվել էր Լոս Անջելեսի «ԱՐՓԱ» կինոփառատոնին, իսկ 2012թ. հոկտեմբերին «Նուռ» կինոփառատոնում արժանացել էր պատվո մրացանկի:
Կարդացեք նաև
Պատրաստեց Հովհաննես ԻՇԽԱՆՅԱՆԸ
