«Արցախյան հիմնախնդրի լուծման առումով այս տարին էլ որեւէ բանով չառանձնացավ: Հիմնախնդրի կարգավորման մեխանիզմներն ու օրակարգը դժբախտաբար նույնն է, եւ այդ տեսանկյունից մենք ակնկալիքներ չպետք է ունենանք»,-այս կարծիքին է ԼՂՀ նախկին արտգործնախարար Արման Մելիքյանը, ըստ որի՝ շատերին այսօր անհանգստացնում է պատերազմի վերսկսման հավանականության հարցը:
Մելիքյանը, մի շարք գործոններից ելնելով, նշեց. «Նախ՝ արտաքին քաղաքական մեզ շրջապատող իրադրությունը բարենպաստ չէ, եւ հղի է լուրջ անհանգստություններով, որոնք որքան մեզ, այնքան էլ Ադրբեջանի համար սպառնալիք են եւ վտանգավոր: Բայց Ադրբեջանում այսօր այս մարտական տխուր հռետորաբանությունը ավելացնում է պատերազմը վերսկսելու գայթակղությունը: Առաջիկա հինգ տարիներին Ադրբեջանը կավելացնի նավթից ստացվող գումարների չափը:
Առայժմ նրանք աճեցնում են իրենց ռազմական պոտենցիալը: Նրանց նավթային եկամուտներն այժմ բավականին շոշափելի են, բայց 5 տարի հետո այս բումը կավարտվի, ուստի նրանք կձգտեն իրենց մարտավարությունն այնպես կառուցել, որ խնդրի լուծումը իրենց ցանկալի ձեւաչափով տեսնեն: Այսինքն՝ ստացվում է, որ առաջիկա 5 տարիներին մեզ համար բարդ է լինելու նաեւ այս առումով»:
Եվա ՀԱԿՈԲՅԱՆ
Կարդացեք նաև
