ՀՅԴ Հայաստանի Գերագույն մարմնի ներկայացուցիչ Արմեն Ռուստամյանը այսօր ԱԺ-ում արտահերթ նիստից հետո լրագրողներին տեղեկացրեց, որ առաջին քայլն իրենց պետք է լինի ԱԺ էթիկայի հանձնաժողով դիմելը: Այդ դեպքում յուրաքանչյուր պատգամավոր պարտավոր է բացատրություն տալ, թե ինչու չի մասնակցել նիստին:
Aravot.am-ի հարցին, թե ինչպե՞ս է բացատրում ստորագրություն տված 48 պատգամավորներից 4-ի բացակայությունը՝ նա պատասխանեց. «Դե հիմա ով բացակայում է, տեղեկանք կբերի, որ հիվանդ է: Մնացածն էլ պիտի բերեն, որ հրահանգով բոլորը հիվանդացան: 2-3 օր բոլորը հիվանդացան միանգամից: Մեր ֆրակցիայում 5 հոգի ենք, բոլորն էլ կային: Դե հիմա կտեսնենք իրենք ինչու չկային»:
Ինչ վերաբերում է ՀՀԿ-ի բոյկոտին՝ նա ասաց. «Դա պարտավորություն է: Ոնց որ կանգնեն ասեն՝ պարտավոր ենք, բայց չենք կատարում մեր պարտավորությունը: Դա է ասում մեծամասնությունը: Թող դա կանգնեն ասեն ամբողջ աշխարհին, որ մենք ունենք մեծամասնություն, որ անպատասխանատու է»:
Հռիփսիմե ՋԵԲԵՋՅԱՆ
