Ադրբեջանի նախագահ Իլհամ Ալիևը իր Թվիթերի պաշտոնական էջում երեքշաբթի օրը Հայաստանի դեմ մի քանի կոպիտ հայտարարություններ է արել: Գրում է «Ֆրանս պրես» լրատվական գործակալությունը:
Հաղորդագրությունների մի մասը Ալիևի անցած շաբաթվա երկար ելույթից կարճ հատվածներ էին, բայց միայն Թվիթերում արած հրապարակումներից հետո Հայաստանի բարձրաստիճան պատգամավորներից մեկին հուշեցին հաղորդագրությունները համեմատել նացիստական Գերմանիայի քարոզների հետ:
Ալիևը մասնավորապես գրել է. «Հայկական սփյուռքը մեր հիմնական թշնամին է և մենք էլ նրանց համար ենք հիմնական թշնամին», «Հայաստանը արժեքներ չունեցող պետություն է: Իրականում այն գաղութ է, արտասահմանի ֆորպոստ… Դրա ապացույցն է Հայաստանի զանգվածային արտագաղթը»:
Կարդացեք նաև
Այս հաղորդագրություններին արձագանքել է Ազգային ժողովի փոխխոսնակ Էդուարդ Շարմազանովը, որն Ալիևին անվանել է «բռնապետական երկրի բռնապետ առաջնորդ»:
«Ալիևը իր ցինիկ հայտարարություններով ցույց է տալիս, որ 21-րդ դարում դեռ գոյություն ունեն ֆաշիզմի հետևորդներ և այդ գաղափարախոսությունը ծաղկում է նրա պես առաջնորդների շնորհիվ», – ասել է Շարմազանովը «Ֆրանս պրես»-ին, – «Իր խոսքերը հիշեցնում են 1930-1940-ականները և Հիտլերին»:
Լրատվականը գրում է, որ Իլհամ Ալիևը 2003թ. նախագահի պաշտոնում փոխարինել է իր հորը` Հեյդար Ալիևին և Կասպից ծովի երկիրը սարքել Արևմուտքի համար էներգետիկ ոլորտում կարևոր գործընկեր` հաշվի չառնելով մարդու իրավունքների խնդիրները:
Պատրաստեց Հովհաննես ԻՇԽԱՆՅԱՆԸ
