Aravot.am-ը ՀՅԴ անդամ, հոգեբան Աշոտ Հակոբյանից հետաքրքրվեց, թե ինչպե՞ս է վերաբերում հնարավոր նախագահացուների ցանկում «Ազատ դեմոկրատներ» կուսակցության փոխնախագահ Անուշ Սեդրակյանի անվան շրջանառությանը: Կինը կկարողանա՞ կառավարել այս բարդ տարածաշրջանում գտնվող երկիրը: «Ես այդ հարցին կպատասխանեմ որպես հոգեբան. թողնենք այդ մարդու անունը մի կողմ, կանայք շատ անգամ ավելի հոգևոր են , շատ անգամ ավելի հակված են ինտուիտիվ լուծումների, կարող են ավելի վճռական լինել, շատ անգամ ավելի հուզական են իրենց գնահատումների մեջ, ինչը թույլ է տալիս չխախտել բարոյական շեմը: Հետևաբար և եթե էսպիսի բարոյական անկման պարագայում ունենայինք այդպիսի ընտրություն, ես երկու ձեռքով կողմ կքվեարկեի, որովհետև այս իրավիճակը կարող է լուծել կին թեկնածուն: Այլ հարց է, որ մեր քաղաքական ներկապնակի մեջ երևացող նախագահացու, ինչպես որ դուք ձևակերպեցիք, էդպիսին, ցավոք, չունենք: Թող մասնակցի, շատ լավ է, այլ համ կտա ընտրություններին: Բայց որ ռեալ թեկնածու չէ, էդ հաստատ է»-, ասաց հոգեբան Աշոտ Հակոբյանը:
Նունե ԱՐԵՎՇԱՏՅԱՆ
