Նախագահական ընտրություններում կհամախմբվի՞ ընդդիմությունը ԲՀԿ թեկնածուի շուրջ, այս հարցին «Նոր ժամանակներ» կուսակցության նախագահ Արամ Կարապետյանը պատասխանեց ԲՀԿ-ական Վարդան Օսկանյանի facebook-յան գրառումով: «Եթե նկատել եք հետաքրքիր բան էր գրել Վարդան Օսկանյանը. Գագիկ Ծառուկյանն առաջարկում է ինձ, կուսակցությունը՝ Գագիկ Ծառուկյանին, ես պատասխանեցի ձեր հարցին»,- այսօր «Տեսակետ» ակումբում ասաց պարոն Կարապետյանը:
Հարցին, թե ինչու «Նոր ժամանակներ»-ը չհետաքրքրվեց ԲՀԿ-ի՝ խորհրդարանական համակարգին անցնելու նախաձեռնությամբ եւ այն չքննարկեց, պարոն Կարապետյանը կարծիք հայտնեց, որ Հայաստանին դեռ առաջիկա տարիներին էլ ուժեղ նախագահական համակարգ է պետք լինելու: Հետո հավելեց, որ ԱԺ ընտրություններից հետո տարբեր կուսակցությունների ներկայացուցիչների հետ պարբերաբար հանդիպել է ու եկել է այն մտքին, որ քաղաքական ուժերը պատրաստ չեն այն օրակարգին, որը « Նոր Ժամանակներն» է առաջարկում:
Պարոն Կարապետյանը կրկնեց իր ավելի վաղ հայտնած տեսակետը, որ
Կարդացեք նաև
Հայաստանում քաղաքական կյանքը ճահիճ է, որին գումարվել է կուսակցությունների քաոսը. « Իշխանությունը մարդ է ման գալիս, որ երկրորդին դնի ու հաղթի: Բայց աշխարհը այս անգամ մեր իշխանություններին մրցակցային ընտրությունների պահանջ է դրել: Իշխանությունները հիմա լավ պատրաստված, կուսակցական շատ ձայներ ունեցող թեկնածու են փնտրում, որին հաղթելը պատիվ կլինի, բայց իշխանությունները վերարտադրվելու բոլոր նախադրյալներն ունեն»:
Պարոն Կարապետյանի խոսքերով, եթե լուրջ քաղաքական ուժերը հասկանան, որ մասնակցությունը անիմաստ է. «Այնպես կարող է ստացվել, որ Սերժ Սարգսյանը հաղթի էպոսագետ, բանասեր Վարդան Սարգսյանին»:
Արփինե ՍԻՄՈՆՅԱՆ
